另一場歐國盃B組賽事,衞冕嘅意大利首仗對住弱旅阿爾巴尼亞。意大利嘅標誌就係防守穩如泰山,決賽周前賽事亦延續呢個優良傳統,近5場比賽有4場保持不失球,該4仗總入球全開2球或以下,今仗隨時小勝就收夠籌,博2.5球入球細穩陣。
(Now 618周日凌晨3時直播) 意大利鋒線人才凋零,箭頭施卡馬卡把握能力唔高,而且攻擊線又缺乏高速度球員,面對死守球隊往往束手無策,今個月兩場熱身賽對土耳其和0比0,以及1比0贏波斯尼亞都有出現類似問題。當然意大利嘅防守紀律性唔需要懷疑,今仗有能力贏波,但唔好期望會大勝。
阿爾巴尼亞例少士哥 另邊廂,阿爾巴尼亞自知實力有限,今仗必定屯重兵防守,佢哋受意大利足球影響好大,非常注重防守,迪占士堤、希沙積、伊斯馬伊利等守將都喺意甲有好表現;阿爾巴尼亞喺歐國外8場賽事入面,就有6場總入球開2球或以下,出線決賽周全靠穩健防守,今仗博2.5球入球細係最佳選擇。
|