同日另一場D組,哥倫比亞對哥斯達黎加。哥倫比亞多名球員效力英超,仲有為國家隊上陣超過100場嘅占士洛迪古斯,實力超群,哥斯達黎加首戰「窿窿」守住巴西,但今場應該冇咁好彩,而且佢哋都要搶分出線,唔一定會縮,2.5球入球大值捧。
(HOY TV 77 周六早上6時直播) 哥倫比亞分組賽以2比1擊敗巴拉圭,累積24場不敗,包括近9場全勝,所贏對手包括巴西及西班牙,唔係嘢少。哥倫比亞今次精銳盡出,目標明顯為冠軍而嚟,「J洛」占士洛迪古斯上場第101次為國家隊上陣,上仗貢獻兩個助攻,狀態大勇。球隊仲有利物浦前鋒路易斯迪亞斯、般尼茅夫嘅史尼斯泰拉、水晶宮中場謝法臣拿馬及後衞丹尼爾蒙路斯等英超兵,前中後3線實力平均,攻力亦足夠,近4場全開3球或以上。
哥斯達黎加有力駁火 哥斯達黎加首戰同巴西互交白卷,不過球隊畀巴西狂射19腳,今場對住把握力更佳嘅哥倫比亞,未必可以頂得住,但佢哋只得1分喺手,都要把握機會入吓波,兩軍近年交手,哥斯達黎加都可以喺哥倫比亞身上取得入球,今場或者會出現入球騷,入球大玩得過。
|