巴甲聽朝繼續開快車,幾支前列分子齊齊出擊,其中次席保地花高作客維多利亞。保地花高每逢客場都玩留前鬥後,造訪主場唔曳嘅維多利亞,一定小心為上,半場和值得捧場。(周五早上8時30分開賽)
今季巴甲前面爭崩頭,榜首3雄法林明高、保地花高、彭美拉斯之間,只係相差1分,聽朝3隊都有比賽,集中火力講講保地花高作客維多利亞。保地花高係一支精於計算嘅球隊,往往想用最經濟實惠嘅方法換取分數,初段會留住嚟踢,盡量消耗對手體力,易邊後先見真章同你死過,佢哋踢咗15輪聯賽,竟有10次開半場和,若果單計近8輪客場,半場錄得7和1負未贏過,但你咪理,佢哋呢8輪作客最終獲4勝2和2負,取得14分絕對唔差,睇嚟呢招留前鬥後都幾奏效。
維多利亞主場夠硬淨 另邊廂,維多利亞雖然只徘徊中下游,但今季4場聯賽勝仗,有3次係來自主場,包括擊敗實力唔曳嘅基斯奧馬同國際體育會,不容小覷,保地花高更加唔敢輕舉妄動。翻查紀錄,雙方近4次正面交鋒,亦有3次開半場和,可見每次碰頭,大家初段都小心翼翼,半場和不妨追多鋪。
|