美職上演東岸大戰，夏洛特FC主場迎戰榜首國際邁亞密。雖然缺少美斯同蘇亞雷斯兩大巨星，不過國際邁亞密依然3連勝，而且踢法更加進取兼火速入局，經常早段就同對手駁火，1.5球半場大係唔錯選擇。（周四早上7時30分開賽）
夏洛特FC主場唔會縮
主場出擊嘅夏洛特FC，上仗0比1不敵侯斯頓戴拿模，6月份強勢慘被打斷，今仗必定力圖重振雄風，尤其佢哋近23場主場僅逢1敗，球員信心同決心兼備唔會縮，加上波蘭前鋒施域達斯基踢完歐國盃歸隊，唔排除今場會成為秘密武器，進攻能力有一定保證。
國際邁亞密雖然有兩大球星美斯同蘇亞雷斯踢緊美洲盃，不過兩人今季亦曾多次缺陣，球隊早已適應，李安納度甘賓拿、羅拔泰萊等攻擊「第2梯隊」一樣交足功課。國際邁亞密控制比賽能力或有下跌，但搶攻速度反而更高，上半場往往推快比賽節奏，近4場比賽有3仗半場開2球或以上，半場大值得捧場。
|
